خیبر میں بارود سے بھرا لوڈر رکشا پکڑا گیا ڈرائیور گرفتار

پکڑے گئے لوڈر رکشا کی تصویر جس میں بارودی مواد چھپایا گیا تھا (فوٹو : پولیس)

---

خیبر میں دوران چیکنگ بارود سے بھرا چنگ چی رکشا پکڑا گیا، سیکیورٹی فورسز نے رکشا ڈرائیور کو گرفتار کرکے تحقیقات شروع کردیں۔

ایکسپریس نیوز کے مطابق تحصیل باڑہ ملک دین خیل نالہ خوڑ میں ایک سامان بردار مشکوک چنگ چی رکشا کو حراست میں لے کر ڈرائیور کو گرفتار کرلیا گیا۔

[video width="600" height="400" mp4="https://c.express.pk/2023/09/whatsapp-video-2023-09-20-at-2.29.44-pm-1695213263.mp4"][/video]

ڈی پی او خیبر سلیم کلاچی کے مطابق چنگ چی لوڈر میں بارود لے جایا جارہا تھا جسے فوری طور پر بم ڈسپوزل یونٹ نے ناکارہ بنادیا، رکشا میں تخریب کاری کی غرض سے تین ڈرم میں بارودی مواد موجود تھا جو کہ گھاس میں چھپایا گیا تھا، سیکیورٹی فورسز نے ڈرائیور سے تحقیقات شروع کردی ہیں۔