اسلام آباد رانگ سائیڈ سے روکنے پر نوجوان اور ٹریفک پولیس میں جھگڑا

ویڈیو بناتے شخص سے گفتگو کرتے ہوئے اہلکار نے بتایا کہ گرفتار نوجوان نے ہماری وردی پھاڑی اس لیے اس کو گرفتار کروایا ہے، نوجوان نے چالان کے بعد پولیس اہلکار کی وردی پھاڑ دی جس پر جھگڑا ہوا۔

ٹریفک پولیس حکام کا کہنا ہے کہ ڈی ایس پی لیول کا افسر معاملے کی انکوائری کر رہا ہے، گرفتار کیا گیا نوجوان رانگ سائڈ سے آرہا تھا، اسے ٹریفک اہلکار نے روکا تو پہلے اس نے بدتمیزی کی پھر اہلکار کی وردی پھاڑی۔

پولیس کے مطابق ملزم کو متعلقہ تھانہ کے حوالے کر دیا ہے جہاں اس پر مقدمہ ہوگا۔