بجلی اور پیٹرول کی قیمتوں کیخلاف خواجہ سرا کمیونٹی کا احتجاج

وفاقی دارالحکومت میں خواجہ سرا کمیونٹی نے مہنگائی، پیٹرولیم مصنوعات اور بجلی کی قیمتوں میں اضافے کے خلاف احتجاجی مظاہرہ کیا۔

خواجہ سرا کمیونٹی نے کہا کہ مہنگائی اور پیٹرول کی بڑھتی ہوئی قیمتوں کی وجہ سے اب اُن کا گزارا مشکل ہوگیا ہے حکومت فوری طور پر مہنگائی ختم کرنے کے لیے اقدامات کرے۔


مظاہرین نے حکومت سے مہنگائی کم کرنے کا مطالبہ کیا اور اقدامات نہ کرنے پر مخالفت میں نعرے بازی بھی کی۔

احتجاجی مظاہرین نے ہاتھوں میں پلے کارڈ اٹھا رکھے تھے جن پر مہنگائی کے خلاف نعرے، پیٹرول اور بجلی کی قیمتوں میں کمی کے مطالبے کے حوالے سے نعرے درج تھے۔

مظاہرین نے کہا کہ حکومت پیٹرول اور بجلی کے نرخ کم کرے، بڑھتی مہنگائی نے دو وقت کی روٹی بھی چھین لی ہے۔