ثانیہ مرزا بھی پرینیتی چوپڑا کی شادی میں شرکت کریں گی: فوٹو بھارتی میڈیا
بھارتی میڈیا رپورٹس کے مطابق ٹینس اسٹار ثانیہ مرزا آج ریاست راجستھان کے شہر اودے پور میں اپنی دوست پرینیتی چوپڑا اور راگھو چڈھا کی شادی میں شرکت کریں گی۔
پرینیتی چوپڑا اور راگھو چڈھا کی شادی سے ایک دن پہلے ثانیہ مرزا نے اپنی دوست کے لیے سوشل میڈیا پر خصوصی پیغام جاری کیا۔
ثانیہ مرزا نے اپنی انسٹاگرام اسٹوری میں پرینیتی چوپڑا کے ساتھ اپنی تصویر شیئر کی جس میں اداکارہ نے ثانیہ مرزا کو جھپی ڈالی ہوئی ہے۔
انسٹاگرام اسٹوری میں پرینیتی چوپڑا کو اُن کی شادی کے لیے مبارکباد دیتے ہوئے ثانیہ مرزا نے کہا کہ 'اب تمہیں سب سے بڑی جھپی دینے کی باری میری ہے'۔
مزید پڑھیں: پرینیتی چوپڑا کی محفلِ موسیقی آج ہوگی
واضح رہے کہ پرینیتی چوپڑا آج راجستھان کے شہر اودے پور میں سیاستدان راگھو چڈھا کے ساتھ شادی کے بندھن میں بندھنے جارہی ہیں۔
راگھو اپنی دلہنیا پرینیتی کو لینے کے لیے میواڑی انداز میں سجی ایک کشتی میں 'دی لیلا پیلس' جائیں گے۔
راگھو چڈھا اور پرینیتی چوپڑا کی منگنی رواں برس مئی میں ہوئی تھی۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔