صومالیہ چیک پوسٹ پر بم دھماکے میں 20 افراد ہلاک اور45 زخمی

صومالیہ میں چیک پوسٹ پر دھماکے میں فوجیوں کے ساتھ شہری بھی ہلاک ہوئے، فوٹو: فائل

---

صومالیہ میں ایک سیکیورٹی چیک پوسٹ پر بارودی مواد سے بھرا ٹرک ٹکرا گیا جس کے نتیجے میں 20 افراد ہلاک اور 45 زخمی ہوگئے۔

عالمی خبر رساں ادارے کے مطابق صومالیہ میں ایک سیکیورٹی چیک پوسٹ پر ٹرک کو رکنے کا اشارہ کیا لیکن اس نے بیریئر توڑنے کی کوشش کی۔ اس ٹرک کا پیچھا کرتے ہوئے سیکیورٹی گاڑی بھی آ رہی تھی۔

جیسے ہی ٹرک سامنے سے چیک پوسٹ کے اہلکاروں اور عقب سے تعاقب میں آنے والی سیکیورٹی اہلکاروں کی گاڑی کے گھیرے میں آیا۔ ٹرک زوردار دھماکے سے تباہ ہوگیا۔

Woman crying could be heard in the background! shortly after a truck bomb hit a security checkpoint in the Beledweyne city centre.

Scores of people are feared dead, dozens others injured. This, according to local officials, could be the biggest bombing in central #Somalia in... pic.twitter.com/WMU9neR1M4

- Kaab Somali TV (@KaabTV) September 23, 2023

دھماکا اتنا زوردار تھا کہ آس پاس موجود شہری بھی زد میں آگئے۔ ہلاک اور زخمی ہونے والوں میں خواتین اور بچے بھی شامل ہیں جب کہ زیادہ تعداد فوجی اہلکاروں کی ہے۔

تاحال کسی گروپ نے دھماکے کی ذمہ داری قبول نہیں کی البتہ حکومتی فورسز نے الشباب کے خلاف آپریشن تیز کیا ہے اور یہ دھماکا ممکنہ طور اسی کا ردعمل ہوسکتا ہے۔

صومالیہ میں حکومت اور سیکیورٹی فورسز پر حملوں میں زیادہ تر الشباب ملوث رہی ہے جو اپنا تعلق داعش سے بتاتی ہے اور دارالحکوت کو چھوڑ کر ملک کے کئی حصوں پر قابض ہے۔