بوٹ بیسن پولیس نے خفیہ اطلاع پر کارروائی ہوئے یو این مشن پرآئے ہوئے غیرملکی شہری سے موبائل فون چھیننے والے ملزم فرمان علی کو گرفتارکرکےاس کے قبضے سےاسلحہ اور چھینے ہوئے فون برآمد کرلیے۔

ایس ایس پی ساؤتھ عمران قریشی کے مطابق گرفتار ملزم 2 ہفتے قبل غیر ملکی شہری گیمبین سے کلفٹن بلاک 2 سے موبائل فون چھینا اور فرار ہو گیا تھا۔

واقعے کے مقدمے کے اندراج کے بعد دوران تلاش خفیہ اطلاع پا کر ملزم کو گرفتار کر لیا گیا ۔ فرمان علی کے قبضے سے 1 پستول اور 2 چھینے ہوئے فون برآمد کیے گئے۔

انھوں نے مزید بتایا کہ ملزم متعدد مقدمات میں پولیس کو مطلوب تھا جبکہ اس کے خلاف مقدمہ درج کر کے مزید تفتیش کی جا رہی ہے۔