پرینیتی چوپڑا اور راگھو چڈھا کی شادی کے بعد پہلی تصویر سامنے آگئی: فوٹو بھارتی میڈیا
پرینیتی چوپڑا اور راگھو چڈھا نے گزشتہ روز ریاست راجستھان کے شہر اودے پور میں پنجابی رسم و رواج کے مطابق شادی کی، شاہی شادی کے بعد اس جوڑے کے مداح اُن کی پہلی جھلک دیکھنے کے لیے بےتاب تھے۔
اب شادی کے استقبالیہ سے اس جوڑے کی پہلی تصویر سامنے آئی ہے جس نے انٹرنیٹ پر دھوم مچا دی ہے۔
وائرل تصویر میں پرینیتی چوپڑا کو 'بےبی پنک' ساڑھی میں دیکھا گیا جبکہ اُن کے شوہر راگھو سیاہ سوٹ میں نظر آئے، اداکارہ نے 'بےبی پنک' ساڑھی کے ساتھ ہیروں کا ہار پہنا ہوا تھا جس سے اُن کی خوبصورتی میں مزید چار چاند لگے۔
واضح رہے کہ پرینیتی چوپڑا اور راگھو چڈھا کی شادی میں رازداری کا خاص خیال رکھا گیا تھا اور شادی میں شریک ہونے والے مہمانوں کو ہدایت دی گئی تھی کہ جوڑے کی تصویر لے کر سوشل میڈیا پر وائرل نہ کی جائے۔
مزید پڑھیں: پرینیتی چوپڑا اور راگھو چڈھا رشتہ ازدواج میں منسلک ہوگئے
بھارتی میڈیا کے مطابق پرینیتی چوپڑا اور راگھو چڈھا کی شادی میں دہلی کے وزیر اعلیٰ اروند کیجریوال، پنجاب کے وزیر اعلیٰ بھگونت مان سمیت پاکستانی کرکٹر شعیب ملک کی اہلیہ ثانیہ مرزا نے بھی شرکت کی۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔