پسنی میں کشتی پر پہاڑی تودہ گرنے سے دو ماہی گیر جاں بحق
حادثے میں کشتی مکمل تباہ ہوگئی، ماہی گیروں کی لاشیں اسپتال منتقل
بلوچستان کے علاقے پسنی میں کشتی پر پہاڑی تودہ گرنے سے دو ماہی گیر جاں بحق ہوگئے۔
تفصیلات کے مطابق بلوچستان کے علاقے پسنی میں واقع شمال بندن کے سمندر میں کشتی پر پہاڑی تودہ گر گیا۔
لیویز حکام کے مطابق پہاڑی تودے تلے دب کر مچھلی کے شکار میں مصروف دو ماہی گیر موقع پر ہی جاں بحق ہوگئے جبکہ کشتی مکمل تباہ ہوگئی۔
ماہی گیروں کی لاشوں کو سمندر سے نکال کر ضابطے کی کارروائی کیلیے اسپتال منتقل کردیا گیا۔