ورلڈکپ چاچا بشیر کو سیکیورٹی اہلکاروں نے ’’پاکستانی پرچم‘‘ لہرانے سے روک دیا

ویڈیو میں کچھ لوگوں کو انکا مذاق اڑاتے ہوئے سناجاسکتا ہے

ویب ڈیسک September 28, 2023

ویڈیو میں کچھ لوگوں کو انکا مذاق اڑاتے ہوئے سناجاسکتا ہے (فوٹو: فائل)

بھارت میں شیڈول ورلڈکپ کے آغاز سے قبل ہی پاکستان کرکٹ ٹیم کے مداح چاچا بشیر کو حیدرآباد دکن کے سیکیورٹی اہلکاروں نے ایئرپورٹ پر پاکستانی پرچم لہرانے سے روک دیا۔

سماجی رابطے کی سائٹ ٹوئٹر (ایکس) ویڈیو گردش کررہی ہے جس میں دیکھا جاسکتا ہے کہ چاچا بشیر حیدرآباد ائیرپورٹ پر ٹیم کی آمد پر نعرے لگارہے ہیں جبکہ کچھ لوگوں کو انکا مذاق اڑاتے ہوئے سناجاسکتا ہے۔

ائیر پورٹ پر سیکیورٹی اہلکاروں نے چاچا بشیر کو پاکستانی پرچم لہرانے سے روک دیا تھا تاہم اسکے باوجود انہوں نے پاکستان کے حق میں نعرے بلند کیے اور کھلاڑیوں کا استقبال کیا۔

مزید پڑھیں: بابراعظم، رضوان اور شاہین نے حیدرآباد میں استقبال پر کیا کہا؟

نجی ٹی وی چینل کو دیئے گئے انٹرویو میں چاچا بشیر نے ردعمل دیتے ہوئے کہا کہ بھارت میں کرکٹ سے محبت کرنے والے شائقین نے پاکستانی ٹیم کا شاندار استقبال کیا تاہم اپنے ملک کے لیے جھنڈا لہراؤں گا، کسی سے ڈر نہیں ہے۔

مزید پڑھیں: ورلڈکپ؛ قومی ٹیم کے کھلاڑیوں کی جھلک دیکھنے کیلئے بھارتی عوام اُمڈ آئے

انہوں نے کہا کہ پاک بھارت روایتی حریفوں کے درمیان میچ کا بےصبری سے انتظار ہے۔

واضح رہے کہ چاچا بشیر کا تعلق کراچی سے ہے تاہم وہ 45 برس سے امریکی شہر شکاگو میں مقیم ہیں۔

مزید پڑھیں: ورلڈکپ؛ پاکستانی کھلاڑیوں نے حیدرآباد میں تیاریوں کا آغاز کردیا

دوسری جانب قومی ٹیم کے کھلاڑیوں نے حیدرآباد کے راجیو گاندھی اسٹیڈیم میں ورلڈکپ تیاریوں کا آغاز کردیا ہے، کپتان بابراعظم، فاسٹ بولر شاہین آفریدی، حسن علی، حارث رؤف، افتخار احمد، سلمان علی آغا، فخر زمان، محمد وسیم جونیئر، محمد حارث اور زمان خان نے آپشنل ٹریننگ سیشن میں حصہ لے رہے ہیں۔

Chacha bashir at India Hyderabad Airport with pakistani flag 🇵🇰
🥵🥵🥵🥵#WC2023 #wehavewewill #pakistan pic.twitter.com/R9EEfS98IL
— Roha (@RohaViews) September 27, 2023