جوان کی شاندار کامیابی شاہ رخ خان کا مفت ٹکٹ دینے کا اعلان

شاہ رخ خان نے اپنے مداحوں کو خوش کردیا: فوٹو ویب ڈیسک

---

بالی ووڈ کنگ شاہ رخ خان نے اپنی بلاک بسٹر فلم 'جوان' کی شاندار کامیابی پر اپنے مداحوں کے لیے 'بائے 1 گیٹ 1' یعنی ایک ٹکٹ خریدنے پر ایک ٹکٹ مفت دینے کا اعلان کیا ہے۔

بھارتی میڈیا کے مطابق شاہ رخ خان کی فلم 'جوان' نے بھارت سمیت دنیا بھر سے ایک ہزار کروڑ روپے سے زائد کی کمائی کرلی ہے، جس میں سے فلم 'جوان' نے 576 کروڑ روپے صرف بھارت سے کمائے۔

اس شاندار کامیابی پر کنگ خان نے سماجی رابطے کی ویب سائٹ ایکس (ٹوئٹر) پر اپنے مداحوں کے لیے ایک خاص آفر کا اعلان کیا ہے۔

Bhai ko, behen ko…
Dushman ko, Yaar ko…
And of course, apne Pyaar ko…
Kal Jawan dikhaaiyega!

Chacha-Chachi, Phoopha-Phoophi, Maama-Maami…
Yaani Poore Parivaar ko.
Sab ke liye ek ke saath ek free ticket!!!

Toh kal se… Parivaar, yaar aur pyaar… Just Buy 1 ticket and get the… pic.twitter.com/Qr9gI4ihcO

— Shah Rukh Khan (@iamsrk) September 27, 2023

شاہ رخ خان نے کہا کہ 'بھائی کو، بہن کو، دشمن کو، یار کو اور یقیناً اپنے پیار کو 'جوان' دِکھائیں'۔

اداکار نے کہا کہ 'چاچا، چاچی، ماما، مامی، پھوپھا، پھوپھی یعنی پورے خاندان کو 'جوان' دکھائیں کیونکہ سب کے لیے ایک کے ساتھ ایک ٹکٹ مفت کی پیشکش ہے'۔

اُنہوں نے مزید کہا کہ 'تو کل سے اپنے پیار، یار اور خاندان کے ساتھ فلم 'جوان' دیکھیں'.

مزید پڑھیں: شاہ رخ خان نے نینتھارا کے کردار کو 'حیرت انگیز' قرار دیدیا

واضح رہے کہ شاہ رخ خان کی جانب سے دی گئی پیشکش سے صرف بھارت میں موجود مداح ہی فائدہ حاصل کرسکیں گے۔