رنیبر کپور کی میگا تھرلر ایکشن فلم ’انیمل‘ کا دھماکے دار ٹیزر جاری
ٹیزر کو ہدایت کار سندیپ ریڈی وانگا نے سوشل میڈیا پر پوسٹ کیا اور وہ مختلف پلیٹ فارمز پر وائرل ہوگیا
بالی وڈ سپر اسٹار رنیبر کپور کے جنم دن کے موقع پر ان کی میگا تھرلر ایکشن فلم 'انیمل' کا دھماکے دار ٹیزر جاری کردیا گیا۔
فلم کے ٹیزر کو معروف ہدایت کار سندیپ ریڈی وانگا نے سوشل میڈیا پر پوسٹ کیا اور ٹیرز باہر آنے کے ساتھ ہی مختلف پلیٹ فارمز پر وائرل ہوگیا۔
ایکشن سے بھرپور ٹیزر کا آغاز رنبیر کپور اور راشمیکا مندانا کی گفتگو سے ہوتا ہے اور راشمیکا کے ایک سوال پر اداکار غصے سے بھڑک جاتے ہیں۔
ایک سین میں نظر آتا ہے کہ انیل کپور جو رنبیر کے والد کا کردار ادا کررہے ہیں وہ ان پر تشدد کرتے ہیں جبکہ اداکار کو اپنے والد سے بہت محبت ہے۔
دو منٹ کے طویل ٹریلر میں شائقین کو جنگ، انتقام اور تشدد سے بھرپور مناظر دیکھنے کو ملتے ہیں اور رنیبر کپور ایک سادہ لڑکے سے خونخوار گینگسٹر بن جاتے ہیں۔
رنیبر کپور کے مقابلے میں بوبی دیول فلم کے اندر ولن کا کردار ادا کررہے ہیں اور فلم یکم دسمبر کو پوری دنیا میں ریلیز کیلئے پیش کی جائے گی۔