ورلڈکپ کیپٹنز ڈے بریانی سے متعلق میزبان کے سوال پر بابراعظم کا دلچسپ جواب

ہم 100 مرتبہ بتا چکے ہیں، قومی ٹیم کا کپتان کا میزبان کو ہنستے ہوئے جواب

ویب ڈیسک October 04, 2023

ورلڈ کیپٹنز ڈے پروگرام میں بابراعظم سمیت دیگر ٹیموں کے کپتان موجود ہیں۔ فوٹو : اسکرین گریب

بھارت میں منعقدہ ورلڈکپ کیپٹنز ڈے پروگرام کے دوران میزبان کی جانب سے بریانی سے متعلق سوال پر پاکستان ٹیم کے کپتان بابراعظم نے دلچسپ جواب دیدیا۔

میزبان روی شاستری نے کپتان سے سوال کیا کہ بابر بریانی کیسی تھی؟ سوال سن کر بابراعظم اپنی ہنسی پر قابو نہ رکھ سکے اور ہنستے ہوئے جواب دیا کہ ''ہم 100 مرتبہ بتا چکے ہیں''۔

مزید پڑھیں: ون ڈے رینکنگ میں بابراعظم بدستور پہلے نمبر پر براجمان

بابراعظم نے جواب میں مزید کہا کہ ''بریانی کافی اچھی رہی اور حیدرآباد سے متعلق یہ سن رکھا تھا کہ بریانی اچھی ہے، اس لیے بریانی کھا کھا کر اچھا لگا''۔

Babar Azam about Biryani of Hyderabad.#BabarAzam | #WorldCup2023

pic.twitter.com/DWxxZy0yzV

- Ehtisham Siddique (@iMShami_) October 4, 2023

واضح رہے کہ ورلڈ کیپٹنز ڈے پروگرام کے لیے قومی ٹیم کے کپتان حیدر آباد سے خصوصی طیارے میں احمد آباد پہنچے تھے جہاں ان کی بھارتی ٹیم کے کپتان سمیت دیگر ٹیموں کے کپتانوں سے ملاقات بھی ہوئی۔

کپتان بابر اعظم اور بھارتی ٹیم کے کپتان روہت شرما ہال میں ایک ساتھ اندر داخل ہوئے جسے شائقین نے خوب پسند کیا۔