کیا کپتانوں کی ملاقات میں جنوبی افریقا کے کپتان سورہے تھے
ایونٹ میں صرف پاکستان اور بھارت پر توجہ مرکوز کرنے پر سوشل میڈیا صارفین کی تنقید
آئی سی سی کرکٹ ورلڈ کپ سے قبل کپتانوں کی ملاقات میں جنوبی افریقا کے کپتان سوتے ہوئے پائے گئے۔
جنوبی افریقا کرکٹ ٹیم کے کپتان ٹیمبا بووما کی سوتے ہوئے تصویر چند ہی گھنٹوں میں سوشل میڈیا پر چھا گئی لیکن ایکس پر ایک پوسٹ کے جواب میں بووما نے واضح کیا کہ وہ سو نہیں رہے تھے، انہوں نے سارا الزام کیمرے کے زاویے پر ڈال دیا۔
اگرچہ ٹیمبا بووما نے اس بات سے انکار کیا کہ وہ سو نہیں رہے ہیں لیکن اسکے باوجود سوشل میڈیا پر مداحوں نے انکی تصاویر کے ساتھ مزاحیہ پوسٹیں شیئر کیں۔
مزید پڑھیں: ورلڈ کیپٹنز ڈے؛ بریانی سے متعلق میزبان کے سوال پر بابراعظم کا دلچسپ جواب
کچھ شائقین نے صرف پاکستان اور بھارت پر توجہ مرکوز کرنے پر ایونٹ میں موجود صحافیوں کو تنقید کا نشانہ بنایا۔ صارفین کا کہنا تھا کہ وہاں آٹھ دیگر ٹیموں کے کپتان بھی بیٹھے تھے جن سے سوالات کئے جانے چاہئے تھے۔
ایکس پر ایک صارف نے لکھا کہ جنوبی افریقی کپتان ٹیمبا باوما کو درحقیقت نیند نہیں آرہی تھی بلکہ انہوں نے ایسا صحافیوں کے تمام فضول سوالوں کے جواب میں کیا جو صرف روہت شرما اور بابر اعظم سے سوالات کررہے تھے جیسے دوسرے کپتان وہاں موجود ہی نہیں ہوں۔ بھارتی صحافی بالکل معمولی درجے کے رپورٹرز ہیں۔