شاہ رخ خان کی ساتھی اداکارہ کی کار کو حادثہ 2 افراد ہلاک

بھارتی اداکارہ کی کار کو خطرناک حادثہ: فوٹو ویب ڈیسک

---

بالی ووڈ کنگ شاہ رخ خان کی فلم 'سودیس' میں کام کرنے والی ساتھی اداکارہ گائتری جوشی کی گاڑی کو اٹلی میں خطرناک حادثہ پیش آیا ہے جس کے نتیجے میں 2 افراد ہلاک ہوگئے ہیں جبکہ حادثے کی ویڈیو بھی منظرِ عام پر آگئی ہے۔

بھارتی میڈیا رپورٹس کے مطابق اداکارہ گائتری جوشی اور ان کے شوہر وکاس اوبرائے اٹلی میں چھٹیاں گزارنے کے لیے گئے تھے کہ دورانِ سفر اُن کی گاڑی کو جان لیوا حادثہ پیش آیا۔

میڈیا رپورٹس میں بتایا گیا کہ یہ خوفناک حادثہ تیز رفتاری کی وجہ سے پیش آیا، اداکارہ گائتری کی گاڑی کئی دیگر گاڑیوں اور ایک کیمپر وین سے ٹکرا گئی لیکن خوش قسمتی سے اس جان لیوا حادثے میں اداکارہ اور اُن کے شوہر محفوظ رہے۔

اداکارہ کی گاڑی سے ٹکرانے والی فراری میں آگ لگی جس کے نتیجے میں سوئٹزر لینڈ سے تعلق رکھنے والی 63 سالہ خاتون میلیسا کراؤٹلی اور اُن کے 67 سالہ مارکس کراؤٹلی نامی شوہر چل بسے۔

دوسری جانب سماجی رابطے کی ویب سائٹ ایکس (ٹوئٹر) پر اس ہولناک حادثے کی ویڈیو وائرل ہورہی ہے جس میں دیکھا جاسکتا ہے کہ یہ حادثہ تیز رفتاری کے باعث اس وقت پیش آیا کہ جب ایک فراری کیمپر وین کو اوور ٹیگ کرنے کی کوشش کرتے ہوئے اس سے ٹکرا گئی۔

Bollywood Actress Gayatri Joshi & Her Husband Vikas Oberoi Meet With Tragic Car Accident In #Italy.

Swades Film actress #GayatriJoshi and Her husband were on Vacation in Italy, Gayatri and Her husband are fine.#Caraccident pic.twitter.com/zkWxbgFusr

— Afroz Alam (@AfrozJournalist) October 4, 2023

واضح رہے کہ گائتری جوشی نے بالی ووڈ کی صرف ایک ہی فلم کام کیا ہے جو سال 2004 میں ریلیز ہونے والی فلم 'سودیس' ہے۔

گائتری جوشی نے سال 2005 میں بزنس مین وکاس اوبرائے سے شادی کی جس کے بعد وہ بیرون ملک منتقل ہوگئی تھیں۔