نامعلوم افراد نے ایم کیو ایم رہنما حیدر عباس رضوی کی ریو گاڑی چھین لی

ملزمان نے سپرہائی وے کے قریب ڈرائیور کو گاڑی سے اتار دیا اور گاڑی سمیت فرار ہونے میں کامیاب ہوگئے.

---

گلشن اقبال میں واقعے نجی اسپتال کے باہر سے نامعلوم ملزمان ایم کیو ایم کے رہنما حیدر عباس رضوی کی گاڑی چھین کر لے گئے ۔

تفصیلات کے مطابق گلشن اقبال کے علاقے میں واقعے نجی اسپتال کے باہر سے نامعلوم ملزمان ایم کیو ایم کے رہنما حیدر عباس رضوی گاڑی ڈرائیور سمیت لے گئے.

ملزمان نے سپرہائی وے کے قریب ڈرائیور کو گاڑی سے اتار دیا اور گاڑی سمیت فرار ہونے میں کامیاب ہوگئے.

ایس ایچ او گلشن اقبال شعور بنگش نے بتایا کہ سیاہ رنگ کی ریو گاڑی نمبر اے کیو بی 424 کے چھینے جانے کی اطلاع گلشن اقبال پولیس کو کردی گئی نجی اسپتال کے قریب ڈرائیور شیشے کھول کر بیٹھا ہوا تھا.

دو ملزمان آئے ڈرائیور کو اندر دھکیل کر نیچے سیٹ کے نیچے بٹھایا اور گاڑی لے گئے ، ملزمان نے اسکیم 33 اظہر گارڈن کے قریب ڈرائیور کو گاڑی سے دھکا دیکر اتارا اور گاڑی سمیت فرار ہوگئے.

پولیس نے کہا کہ انفارمیشن بیس پر کام کر رہے ہیں بہت جلد گاڑی کو بھی برآمد کرالیا جائے گا اور ملزمان بھی گرفتار ہونگے ۔