ورلڈکپ عبدالرزاق نے بھی اپنی ٹاپ فور ٹیموں کے نام کا اعلان کردیا

کنڈیشنز میں مدنظر رکھتے ہوئے ٹیمز منتخب کی ہیں، سابق آل راؤنڈر (فوٹو: ایکسپریس ویب)

---

قومی کرکٹ ٹیم کے سابق آل راؤنڈر عبدالرزاق نے ورلڈکپ 2023 کیلئے اپنی سیمی فائنلسٹ ٹیموں کے نام کا اعلان کردیا۔

مقامی ٹی وی چینل کو دیئے گئے انٹرویو میں قومی کرکٹ ٹیم کے سابق آل راؤنڈر عبدالرزاق نے کہا کہ وہ بھارت میں شیڈول ورلڈکپ کیلئے کنڈیشنز کو مدنظر رکھتے ہوئے پاکستان، انگلینڈ، نیوزی لینڈ اور بھارت فائنل فور کے لیے کوالیفائی کرتا دیکھ رہے ہیں۔

قبل ازیں گزشتہ روز سابق فاسٹ بولر محمد عامر اور عماد وسیم نے اپنی سیمی فائنلسٹ ٹیموں کا ذکر کیا تھا جس میں دونوں کھلاڑیوں نے پاکستان، انگلینڈ، بھارت، آسٹریلیا اور جنوبی افریقہ کو ٹاپ فور میں شامل کیا تھا۔

مزید پڑھیں: پاکستان ورلڈکپ میں بھارت کو شکست دے گا، معروف کمنٹیٹر کی پیشگوئی

سابق کرکٹر محمد عامر کا کہنا تھا کہ "پہلے میں نے نیوزی لینڈ کی پیشگوئی کی تھی لیکن اب میں اس کے بجائے پاکستان کے ساتھ جاؤں گا کیونکہ ان پر کوئی دباؤ نہیں ہے، جب بھی لوگ پاکستان کو ختم کرتے ہیں تو وہ کچھ مختلف کرنے کا رجحان رکھتے ہیں"۔

مزید پڑھیں: ورلڈکپ؛ عامر، عماد نے اپنی اپنی ٹاپ فور ٹیموں کے نام بتادیئے

دوسری جانب انگلینڈ کے سابق کرکٹر اور کمنٹیٹر مائیکل ایتھرٹن نے پیشگوئی کی ہے کہ پاکستان رواں سال آئی سی سی ورلڈکپ میں بھارت کو شکست سے دوچار کرے گا۔