خاتون پولیو ورکر کو ہراساں کرنے والا شخص گرفتار

لیاری میں خاتون پولیو ورکر کو ہراساں کرنے والے شخص کو پولیس نے گرفتار کرلیا۔

ڈی آئی جی ساؤتھ کے مطابق لیاری کے علاقے لیاقت کالونی میں خاتون پولیو ورکر کو ہراساں کرنے کا واقعہ ہوا۔ پولیو ٹیم رہائشی عمارت کے اندر داخل ہوئی، جہاں پانچویں منزل پر موجود کچھ افراد نےخاتون کو ہراساں کیا۔


واقعے کے بعد ایک شخص کو موقع پر ہی گرفتار کرلیا گیا ہے۔ ابتدائی طور پر معلوم ہوا ہے کہ ٹیم کے ساتھ سکیورٹی موجود نہیں تھی۔ اس حوالے سے تفتیش کی جا رہی ہے کہ پولیو ورکرز ٹیم کے ساتھ سکیورٹی کیوں نہیں تھی

پولیو ورکر خاتون کو ہراساں کرنے والے شخص کو گرفتار کرکے کلری تھانے میں منتقل کردیا گیاہے۔