بھارتی میڈیا کی آغاز پر ہی پاکستان ٹیم پر الزام تراشی شروع

نیدرلینڈز سے میچ میں باؤنڈری روپ کے جگہ سے ہٹنے کو تنازع بنا دیا۔ فوٹو: فائل

---

بھارتی میڈیا میں ورلڈ کپ کے آغاز پر ہی پاکستان ٹیم پر الزام تراشی شروع ہوگئی۔

نیدرلینڈز کے خلاف میچ میں باؤنڈری روپ کے اپنی جگہ سے ہٹنے کو تنازع بنانے کی کوشش شروع کردی۔ جب ڈچ سائیڈ ہدف کا تعاقب کررہی تھی تو ایک طرف کی باؤنڈری روپ ایک فٹ سے زائد اپنی جگہ سے پیچھے ہٹی ہوئی تھی۔

یہ بھی پڑھیں: احمد آباد کرکٹ اسٹیڈیم، نریندر مودی کو دھماکے سے اڑانے کی دھمکی

دراصل دوران فیلڈنگ کسی پلیئر کے ڈائیو لگانے سے وہ پیچھے ہٹی ہوگی مگر اسے دوبارہ اپنی جگہ پر نہ لایا گیا کیونکہ وہاں پر کوئی بال بوائے یا آفیشل موجود نہیں تھا، نہ ہی فیلڈر کو اسے واپس اپنی جگہ لانے کا خیال آیا تاہم بھارتی میڈیا میں یہ باتیں شروع ہوگئیں کہ کہیں پاکستانی کھلاڑیوں نے جان بوجھ کر تو اسے پیچھے نہیں کیا۔

کرکٹ قوانین میں واضح ہے کہ اگر باؤنڈری روپ اپنی جگہ سے ہٹ بھی جائے تب بھی گیند اگر اصل باؤنڈری نشان کے پار لینڈ کرتی ہے تب بھی وہ چھکا ہی شمار ہوگا۔