کوئٹہ کے علاقے سورنج میں پاکستان منرلز ڈیولپمنٹ کارپوریشن (پی ایم ڈی سی) کے پروجیکٹ منیجر دیسی ساختہ بم دھماکے میں جاں بحق ہوگیا۔

پولیس کے مطابق شابات مرزا کی گاڑی مذکورہ علاقے میں دیسی ساختہ بم (آئی ای ڈی) سے ٹکرا گئی جس کے نتیجے میں ایک ہولناک دھماکا ہوا اور ان کی گاڑی مکمل طور پر تباہ ہو گئی۔

دھماکے کی وجہ سے شبہت مرزا وقوعہ پر ہی دم توڑ گئے جب کہ ان کا ڈرائیور شدید زخمی ہوا اور اسے فوری طور پر قریبی اسپتال منتقل کیا گیا۔ بعدازاں قانون نافذ کرنے والے ادارے اور فرنٹیئر کور (ایف سی) کے اہلکار وقوعہ پر پہنچ گئے واقعے کی تحقیقات شروع کردی۔