لاہورمیں سانڈے کا تیل فروخت کرنے پر مقدمہ درج ملزم گرفتار
اینیمل ایکٹ کے تحت 134 سال بعد یہ دوسرا مقدمہ درج ہوا ہے
نشتر کالونی میں سانڈے کا تیل فروخت کرنے پر مقدمہ درج کرکے ملزم کو گرفتار کرلیا گیا۔
ایکسپریس نیوز کے مطابق پاکستان میں انسدادِ جانوراں ایکٹ1890 کے تحت انوکھا مقدمہ درج ہوا ہے جس میں نشتر کالونی میں سانڈے کا تیل فروخت کرنے پر مقدمہ درج کرکے تیل فروخت کرنے والے شخص کو گرفتار کرلیا گیا۔
مقدمہ اینیمل ریسکیو ایکٹ 1890 کے تحت ٹریفک وارڈن کی مدعیت میں درج ہوا جس کے بعد پولیس نے ملزم اسلم کو گرفتار کرکے اس کے قبضے سے ایک زندہ اور ایک مردہ سانڈہ برآمد کرلیا۔
پولیس نے مردہ اور زندہ سانڈہ وائلڈ لائف اہل کاروں کے حوالے کردیا۔
واضح رہے کہ اینیمل ایکٹ کے تحت 134 سال بعد یہ دوسرا مقدمہ درج ہوا ہے۔