ورلڈکپ امام الحق کے کیچ پر سوشل میڈیا میں الزام تراشیاں

آئی سی سی نے کیچ کی ویڈیو شیئر کردی

ویب ڈیسک October 11, 2023

آئی سی سی نے کیچ کی ویڈیو شیئر کردی (فوٹو: اسکرین شارٹ)

آئی سی سی ورلڈکپ میں سری لنکا کیخلاف امام الحق کے کیچ پر سوشل میڈیا پر الزام تراشیاں شروع ہوگئیں۔

گزشتہ روز پاکستان کیخلاف کوشل مینڈس نے جارحانہ کھیل کا مظاہرہ کرتے ہوئے 77 گیندوں پر 122 رنز کی اننگز کھیلی، انکی اننگز میں 14 چوکے اور 6 چھکے شامل تھے۔

مینڈس کا کیچ حسن علی کی گیند پر امام الحق نے پکڑا اور وہ پویلین لوٹ گئے، تاہم سماجی رابطے کی سائٹ ٹوئٹر (ایکس) پر سوشل میڈیا صارفین نے الزام عائد کیا کہ فیلڈر نے باؤنڈری لائن سے چھیڑ چھاڑ کی۔

مزید پڑھیں: حیدرآباد دکن کے گراؤنڈ اسٹاف کو بابراعظم نے شرٹ تحفے میں دیدی

دوسری جانب آئی سی سی نے امام الحق کے کیچ کی ویڈیو بھی شیئر کی تاہم انتظامیہ یا لنکن بورڈ کی جانب سے کسی قسم کا اعتراض سامنے نہیں آیا۔

مزید پڑھیں: ریکارڈ ساز ہدف کا تعاقب؛ بھارتی کرکٹرز، کمنٹیٹرز پاکستان کی تعریف کرنے پر مجبور

پاکستان کی ایونٹ میں مسلسل دوسری جیت کچھ نام نہاد مداحوں سے ہضم نہیں ہورہی اور گرین شرٹس کیخلاف پروپیگنڈا کرنے کی کوشش کررہے ہیں۔

واضح رہے کہ قومی ٹیم ایونٹ میں اپنا اگلا میچ روایتی حریف بھارت کیخلاف 14 اکتوبر احمد آباد میں کھیلے گی۔