کراچی مالک نے فائرنگ کرکے بنگلے میں ڈکیتی کی کوشش ناکام بنا دی
فائرنگ کے نتیجے میں گھر میں داخل ہونے والا ملزم زخمی ہوگیا
گلبرگ تھانے کی حدود میں فیڈرل بی ایریا بلاک 6 میں بنگلے میں ڈکیتی کی کوشش کو گھر کے مالک نے فائرنگ کرکے ناکام بناتے ہوئے ملزم کو فائرنگ کرکے زخمی کر دیا۔
تفصیلات کے مطابق گلبرگ میں مسلح ملزمان نے ایک بنگلے میں ڈکیتی کی نیت سے داخل ہونے کی کوشش کی تو بنگلے کے مالک منصور نے فائرنگ کرکے ایک ملزم کو زخمی کر دیا جبکہ ملزمان فرار ہوگئے۔
بنگلے کے مالک نے پولیس کو بیان دیا ہے کہ چار ملزمان گھر میں گھسنے کی کوشش کر رہے تھے، ایک ملزم گھر کے اندر آیا تو میں نے فائرنگ کر دی جبکہ ملزمان کی جانب سے بھی فائرنگ کی گئی اور فائرنگ کے نتیجے میں گھر میں داخل ہونے والا ملزم زخمی ہوگیا۔
کرائم سین یونٹ کے مطابق چار ملزمان وائٹ کرولا میں آئے تھے، جائے وقوعہ سے 15 سے زائد نائن ایم ایم پستول کے خول ملے ہیں جبکہ 10 سے زائد خول گھر کے باہر سے ملے۔ ملزمان کی جانب سے فائرنگ کے نتیجے میں گھر کی دیوار، شیشوں اور گاڑی کو نقصان پہنچا، فرار تین ملزمان میں سے ایک ملزم بھی زخمی حالت میں فرار ہوا ہے۔