بھارتی اداکارہ شہناز گل اسپتال سے ڈسچارج

شہناز گل اپنی فلم ’ تھینک یو فور کمنگ‘ کی پروموشن کے دوران بیمار ہوگئی تھیں

ویب ڈیسک October 11, 2023

بالی ووڈ اداکارہ شہناز گل اسپتال سے ڈسچارج ہوگئیں: فوٹو بھارتی میڈیا

بالی ووڈ اداکارہ شہناز گل اسپتال سے ڈسچارج ہوگئیں جس کی ویڈیو سوشل میڈیا پر وائرل ہورہی ہے۔

گزشتہ روز شہناز گل کے مداح تشویش میں مبتلا ہوگئے تھے جب اُنہیں معلوم ہوا کہ اداکارہ اسپتال میں داخل ہیں، اداکارہ فوڈ پوائزننگ کی شکار ہونے کے بعد ممبئی کے کوکیلا بین اسپتال میں داخل تھیں۔

تاہم، آج شہناز گل کو اسپتال سے ڈسچارج کر دیا گیا ہے جس کی ویڈیو سوشل میڈیا پر وائرل ہورہی ہے، ویڈیو میں اداکارہ کو چہرے پر ماسک لگائے اسپتال سے نکلتے ہوئے دیکھا جاسکتا ہے۔

View this post on Instagram

A post shared by Viral Bhayani (@viralbhayani)

ویڈیو پر شہناز گل کے مداحوں کی جانب سے اُن کی مکمل صحتیابی کے لیے دُعائیہ کمنٹس کرنے کا سلسلہ جاری ہے۔

واضح رہے کہ شہناز گل اپنی فلم ' تھینک یو فور کمنگ' کی پروموشن کے دوران بیمار ہوگئی تھیں، اداکارہ نے سوشل میڈیا پوسٹ میں کہا تھا کہ دیکھو ٹائم سب کا آتا ہے سب کا جاتا ہے، میرے ساتھ بھی وہی کچھ ہوا، پھر آئے گا تھوڑے دن بعد۔

شہناز گل کا کہنا تھا کہ اُنہیں فوڈ پوائزننگ ہوگئی تھی جس کے باعث اسپتال میں داخل ہونا پڑا لیکن اب طبیعت بہتر ہے۔

مزید پڑھیں: اداکارہ شہناز گل اپنی فلم ریلیز ہوتے ہی اسپتال میں داخل

اداکار انیل کپور کی بیٹی اور فلم ' تھینک یور فور کمنگ' کی ''شریک پروڈیوسر'' ریہا کپور نے اسپتال جا کر شہناز گل کی عیادت کی تھی۔