شاہ رخ خان کا مداحوں کیلئے خاص تحفہ

'پٹھان' اور 'جوان' کے بعد اب شاہ رخ خان اپنی سال کی تیسری ریلیز ‘ڈنکی’ کی تیاری کر رہے ہیں

ویب ڈیسک October 12, 2023

رواں سال شاہ رخ خان کے کیریئر کا بہترین سال رہا ہے : فوٹو ویب ڈیسک

بالی ووڈ کنگ شاہ رخ خان نے اپنے مداحوں کے لیے ایک بہت ہی خاص تحفے کا اعلان کردیا ہے۔

13 اکتوبر کو بھارت میں 'نیشنل سنیما ڈے' منایا جائے گا، اس دن کی مناسبت سے سُپر اسٹار شاہ رخ خان نے سماجی رابطے کی ویب سائٹ ایکس پر اپنے بھارتی مداحوں کے لیے خاص تحفے کا اعلان کیا ہے۔

شاہ رخ خان نے اپنی فلم 'جوان' کا پوسٹر پوسٹ کرتے ہوئے کہا کہ 'میں سنیما گھر سے محبت کے لیے نیشنل سنیما ڈے کے موقع پر آپ سب کے لیے ایک بہت ہی خاص تحفہ لیکر آیا ہوں'۔

#NationalCinemaDay par aap sab ke liye ek bahut khaas tohfaa, only for the love of cinema! Iss 13th October, jaiye aur dekhiye Jawan at just Rs. 99!

Book your tickets now!https://t.co/fLEcPK9UQT

Watch #Jawan in cinemas - in Hindi, Tamil & Telugu. pic.twitter.com/uS3LfpcTNb
— Shah Rukh Khan (@iamsrk) October 12, 2023

اداکار نے کہا کہ '13 کتوبر کو کسی بھی سنیما گھر جائیں اور صرف 99 روپے میں ٹکٹ حاصل کرکے فلم 'جوان' دیکھیں'۔

13 اکتوبر کو بھارت میں 'نیشنل سنیما ڈے' منایا جائے گا اور اس موقع پر فلم کے شائقین افراد اپنی پسند کی کوئی بھی فلم صرف 99 روپے کے ٹکٹ میں سنیما گھروں میں دیکھ سکیں گے۔

واضح رہے کہ شاہ رخ خان کا بالی ووڈ میں کامیاب کیریئر رہا ہے، رواں سال اُن کے کیریئر کا بہترین سال رہا ہے، یش راج فلمز کی 'پٹھان' نے پوری دنیا میں کامیابی سے بزنس کرتے ہوئے 1050 کروڑ کا مجموعی بزنس کیا جبکہ ایٹلی کی 'جوان' اب تک پوری دنیا میں 1117 کروڑ کا بزنس کرچکی ہے۔

مزید پڑھیں: شاہ رخ خان کو 'جوان' اور 'پٹھان' کی کامیابی کے بعد قتل کی دھمکیاں ملنے لگیں

شاہ رخ خان انڈسٹری کے واحد اداکار بن گئے ہیں جن کی دو فلموں نے ایک برس میں ایک ہزار سے زائد کا بزنس کیا ہے۔

اداکار کی ایک میگا فلم 'ڈنکی' باقی ہے جسے راج کمار ہیرانی بنارہے ہیں، 'پٹھان' اور 'جوان' کے بعد اب شاہ رخ خان اپنی سال کی تیسری ریلیز 'ڈنکی' کی تیاری کر رہے ہیں۔