بالائی علاقوں میں برف باری کی پیش گوئی
کل سے مغربی ہوائیں بالائی علاقوں میں داخل ہوں گی، 13 تا 17 اکتوبر خیبرپختونخوا کے بلند پہاڑوں پر برف باری متوقع ہے
محکمہ موسمیات نے 14 تا 17 اکتوبر بارش اور پہاڑوں پر برف باری کی پیش گوئی کردی۔
محکمہ موسمیات کے مطابق 13 اکتوبر کو مغربی ہوائیں ملک کے بالائی علاقوں میں داخل ہوں گی، یہ ہوائیں 14 اکتوبر کی رات تک ملک کے بالائی اور وسطی علاقوں تک پھیل جائیں گی، 13 سے 17 اکتوبرکے درمیان خیبرپختونخوا کے بلند پہاڑوں پر برف باری اور میدانی علاقوں میں ژالہ باری کی توقع ہے۔
محکمہ موسمیات کے مطابق چترال، دیر، سوات، مالاکنڈ، شانگلہ، بونیر، مانسہرہ، ایبٹ آباد، مردان، نوشہر اور ڈیرہ اسماعیل خان میں بارش اور آندھی متوقع ہے، 13 سے 17 اکتوبر کے دوران اسلام آباد، خطہ پوٹھوہار، مری، گلیات، لاہور، سیالکوٹ، گوجرانوالہ میں بارش اور ژالہ باری متوقع ہے۔
مزید کہا گیا ہے کہ 16 سے 18 اکتوبر کے دوران لیہ، بھکر، کوٹ ادو، راجن پور، بہاولپور اور رحیم یارخان میں بارش متوقع ہے۔