بین الاقوامی بلین مارکیٹ میں فی اونس سونے کی قیمت 7 ڈالر بڑھ کر 1892 ڈالر کی سطح پر پہنچنے کے باوجود مقامی صرافہ مارکیٹوں میں سونے کے نرخ میں معمولی کمی آئی ہے۔

صرافہ مارکیٹ سے موصولہ رپورٹ کے مطابق ملکی سطح پر فی تولہ سونے کی قیمت 100 روپے کم ہوکر ایک لاکھ 97 ہزار 100 روپے ہوگئی جب کہ فی 10 گرام سونے کی قیمت 89 روپے گھٹ کر ایک لاکھ 68 ہزار 981 روپے ہوگئی۔

یہ بھی پڑھیں : سونے کی قیمت میں بڑی کمی، ایک تولہ کے دام 2 لاکھ سے کم ہوگئے

اس کے برعکس فی تولہ چاندی کی قیمت بغیر کسی تبدیلی کے 2500 روپے پر مستحکم رہی اور فی دس گرام چاندی کی قیمت بھی بغیر کسی تبدیلی کے 2143.34 روپے پر مستحکم رہی۔