پنجگور سے کراچی لاتے ہوئے منشیات حب پر پکڑی گئی دو گرفتار

بلوچستان و سندھ کی سرحد پر واقع حب چیک پوسٹ پر دو تین کلو آئس اور تین کلو چرس برآمد کرکے دوملزمان کو گرفتار کرلیا گیا۔

پاکستان رینجرز سندھ اور پولیس نے مشترکہ کارروائی کرتے ہوئے بلوچستان بارڈر حب چیک پوسٹ پر دوران چیکنگ 2 ملزمان تنویر اور محمد جاوید کو گرفتار کرلیا، ملزمان کے قبضے سے 3 کلو آئس اور 3 کلو چرس برآمد ہوئی۔

ملزمان نے منشیات بس کے خفیہ خانون میں چھپائی ہوئی تھی، برآمد ہونے والی منشیات 3 کروڑ روپے مالیت کی ہے، ملزمان کا تعلق بین الصوبائی گروہ سے ہے، منشیات پنجگور بلوچستان سے کراچی اسمگل کرتے تھے، ملزمان کے دیگر ساتھیوں کی گرفتاری کے لیے چھاپے مارے جارہے ہیں۔