پیٹرول پمپ پر گاڑی میں گیس ڈلواتے ہوئے سلنڈر پھٹنے سے دوخواتین ہلاک ہوگئیں۔

ایکسپریس نیوز کے مطابق وفاقی دارالحکومت کے سیکٹر ایف سیون میں پٹرول پمپ پر گاڑی میں گیس ڈلواتے ہوئے سلنڈر پھٹ گیا، جس کے نتیجے میں گاڑی میں بیٹھی ہوئی دو خواتین اور ایک بچے سمیت چار افراد زخمی ہو گئے۔

پولیس نے موقع پر پہنچ کرچاروں زخمیوں کو اسپتال منتقل کیا، جہاں دوخواتین زخموں کی تاب نہ لاتے ہوئے جاں بحق ہوگئیں۔

پولیس نے مکمل تحقیقات تک پٹرول اسٹیشن کو بند کردیا ہے۔