اسرائیل کے حمایتی امریکی مالک مکان کے ہاتھوں 6 سالہ فلسطینی بچے کا لرزہ خیز قتل

چاقو حملے میں زخمی ہونے والی بچے کی والدہ اسپتال میں زیر علاج ہیں:فوٹو:سوشل میڈیا

---

امریکا میں اسرائیل کے حامی جنونی شخص نے 6 سالہ فلسطینی کرایہ دار بچے کو چاقو کے اندھا دھند وار کرکے قتل کردیا۔

غیرملکی میڈیا کے مطابق امریکا کے شہر شکاگو میں اسرائیل کے حامی سفاک شخص نے اپنی کرایہ دار مسلمان فیملی کے گھر میں گھس کر 6 سالہ بچے کو قتل اور اس کی والدہ کو زخمی کردیا۔

پولیس حکام کا کہنا ہے کہ پوسٹ مارٹم رپورٹ کے مطابق 6 سالہ بچے پر فوجی طرز کے بڑے چاقو سے 26 وار کیے گئے جبکہ اس کی والدہ کے جسم پر 12 سے زیادہ زخم موجود ہیں۔ بچے کی شدید زخمی والدہ اسپتال میں زیر علاج ہیں۔ ملزم نے خاتون اور بچے کو مسلمان ہونے کی بنیاد پر نشانہ بنایا۔

We are shocked and disturbed to learn that a landlord in Chicago expressing anti-Muslim and anti-Palestinian views broke into a Muslim family's apartment and attacked them with a knife, injuring the mother and killing her 6-year-old son, Wadea Al-Fayoume. @cairchicago will hold a... pic.twitter.com/N0ILuevq4n

- CAIR National (@CAIRNational) October 15, 2023

لرزہ خیز حملے کا نشانہ بننے والا خاندان 2 برس سے حملہ آور کے گھر کی نچلی منزل پر کرایے پر رہائش پذیر تھا۔ پوولیس نے 71 سالہ حملہ آور کو نفرت پر مبنی جرم سمیت دیگر الزامات عائد کرتے ہوئے گرفتار کر لیا ہے۔

حکام نے حملہ کا نشانہ بننے والوں کی شناخت ظاہر نہیں کی تاہم امریکی اسلامی تعلقات کونسل (سی اے آئی آر) نے واقعہ پر غم و غصے کا اظہار کرتے ہوئے کہا کہ فلسطینی نژاد امریکی بچے وادی الفیومی اور اس کی والدہ حنان شاہین پر چاقو سے حملہ کیا گیا۔