شاہد آفریدی کی قوم سے بہن کیلئے دعاؤں کی اپیل
میری بہن اپنی زندگی کی جنگ لڑ رہی ہے، سابق کپتان
پاکستان ٹیم کے سابق کپتان شاہد آفریدی نے اپنی بہن کیلئے دعاؤں کی درخواست کردی۔
سماجی رابطوں کی ویب سائٹ 'ایکس' پر ایک پوسٹ میں شاہد آفریدی نے مداحوں نے بتایا کہ انکی بہن اس وقت اپنی زندگی کی جنگ لڑ رہی ہیں۔
سابق کرکٹر نے بہن کیلئے لکھا کہ '' میری پیاری تم مضبوط رہو، میں جلد تمہارے پاس آنے کیلئے واپسی کا سفر کررہا ہوں''۔
مزید پڑھیں: پاکستان کو موقع ملا مگر ٹیم کے پاس ٹیلنٹ نہیں، شعیب اختر
شاہد آفریدی کا مزید کہنا تھا کہ میری آپ سے گزارش ہے کہ اُس کے لیے دعا کریں کہ اللہ تعالیٰ اُس کو جلد شفا دے اور صحت والی لمبی زندگی عطا فرمائے۔
سوشل میڈیا پوسٹ کے کمنٹس سیکشن میں شاہد آفریدی کے مداحوں نے انکی بہن کی جلد صحتیابی کیلئے دعاؤں اور نیک خواہشات کا اظہار کیا ہے۔