چوری اُس پر سینہ زوری اسرائیل نے اسپتال میں حملے کا ذمہ دار اسلامی جہاد کو ٹھہرا دیا

A failed rocket launch by the Islamic Jihad terrorist organization hit the Al Ahli hospital in Gaza City.

اسرائیلی فوج کے ترجمان ڈینیل ہگاری نے مزید کہا کہ حملے کے وقت اسپتال کے قریب اسرائیل کوئی فضائی کارروائی نہیں کر رہا تھا اور نہ ہی اسپتال کو لگنے والے راکٹس اسرائیلی فوج کے زیر استعمال راکٹس سے ملتے ہیں۔

ادھر امریکی صدر جوبائیڈن بھی اظہار یکجہتی کے لیے اسرائیل پہنچ گئے اور وزیراعظم نیتن یاہو سے کہا کہ غزہ کے اسپتال پر حملے میں آپ نہیں بلکہ دوسری قوت ملوث ہے۔

جوبائیڈن کا اشارہ حماس کی جانب تھا حالانکہ کے اس سے قبل امریکی صدر جوبائیڈن نے ایک بیان میں کہا تھا کہ غزہ کے العہلی عرب اسپتال میں ہونے والے دھماکے اور اس کے نتیجے میں ہونے والے خوفناک جانی نقصان سے غمزدہ اور شدید غمزدہ ہوں۔

اقوام متحدہ کے سکریٹری جنرل انتونیو گوتیرس نے بھی فضائی حملے کی شدید مذمت کی اور اسے ایک خوفناک حملہ قرار دیتے ہوئے کہا کہ میرا دل متاثرین کے خاندانوں کے ساتھ ہے۔

ایران کے دارالحکومت تہران میں برطانیہ اور فرانس کے سفارتخانوں کے باہر سیکڑوں افراد نے اسپتال پر بم دھماکے کے خلاف شدید احتجاج کیا۔