سرکاری ملازمت کیلیے عمر کی حد میں کمی کا فیصلہ حتمی نہیں نگراں وزیراعلیٰ بلوچستان
معاملہ کابینہ کے آئندہ اجلاس میں مزید غور کے لیے رکھا گیا ہے، میرعلی مردان ڈومکی کی ٹوئٹ میں وضاحت
نگراں وزیراعلیٰ بلوچستان نے کہا ہے کہ سرکاری ملازمت کے لیے عمر کی حد میں کمی کا فیصلہ حتمی نہیں ہے۔
سماجی رابطوں کی ویب سائٹ ایکس (سابقہ ٹوئٹر) پر جاری بیان میں نگراں وزیر اعلیٰ بلوچستان نے کہا کہ سرکاری ملازمت کے حصول کے لیے عمر کی بالائی حد میں کمی کا حتمی فیصلہ تاحال نہیں کیا گیا۔
میر علی مردان خان ڈومکی نے وضاحت کی کہ سرکاری ملازمت کے لیے عمر کی حد کا معاملہ کابینہ کے آئندہ اجلاس میں مزید غور کے لیے رکھا گیا ہے ۔
واضح رہے کہ بلوچستان کابینہ کے گزشتہ اجلاس میں محکمہ سروسز اینڈ جنرل ایڈمنسٹریشن ڈیپارٹمنٹ کی جانب سے یہ ایجنڈا پوائنٹ پیش کیا گیا تھا۔ نگران کابینہ نے اس معاملے پر تمام پہلووٴں کا جائزہ لیا تھا اور کابینہ اراکین اور متعلقہ محکمے نے رائے پیش کی تھی ۔
نگراں وزیراعلیٰ بلوچستان میر علی مردان خان ڈومکی نے کہا ہے کہ بلوچستان نگراں کابینہ کے آئندہ اجلاس میں اس معاملے پر مزید غور کیا جائے گا۔