سنی لیون نے بالی ووڈ کے بعد تیلگو فلم انڈسٹری کا بھی رخ کرلیا

پہلی تیلگو فلم میں کام کرنے کیلیے سخت بیتاب ہوں، امید ہے لوگوں کو میری پرفارمنس پسند آئے گی۔اداکارہ فوٹو: فائل

---

2012 میں بھارتی فلموں میں قدم رکھنے والی امریکی اداکارہ سنی لیون نے بالی ووڈ کی فلموں میں اپنی اداکاری کے جوہر دکھانے کے بعد تیلگو فلم انڈسٹری کا رخ کرلیا ہے۔

بھارتی میڈیا رپورٹس کے مطابق وہ ہدایتکار جی ناگیشور ریڈی کی فلم ''کرنٹ تھیگا (Current Theega) میں جلوہ گر ہوں گی ۔ وشنو مانچو اور 24 فارمزکی مشترکہ پروڈکشن میں بنائی جانیوالی فلم میں کی پروڈکشن میں بنائی جانیوالی فلم میں مانچومنوج اور رکھل پریت سنگھ مرکزی کردار اداکررہے ہیں جب کہ سنی لیون معاون اداکارہ کے طور پر کام کریں گی ۔فلم ساز کا کہنا ہے کہ سنی لیون ایک اچھی اداکارہ ہیں اور ہماری کوشش ہوتی ہے کہ فلم بینوں کو اپنی فلموں سے تفریح فراہم کریں اور انھیں کے لیے بالی ووڈ کی اداکارہ سنی لیون کو کرنٹ تھگا میں لیا ہے امید ہے ان کی پہلی تیلگو فلم ہی کامیاب ہوگی۔

دوسری طرف سنی لیون کا کہنا ہے کہ فلم ''کرنٹ تھیگا میں میرا کردار بہت اہم اور جاندار ہے جو لوگوں کو بھر پور تفریح فراہم کرے گا اور میں اس فلم میں کام کرنے کے لیے سخت بے چین ہوں۔ امید ہے لوگوں کو میری پرفارمنس پسند آئے گی۔ 33سالہ اداکارہ کا کہنا تھا کہ فلم میں کہانی ہی اصل چیز ہوتی ہے اور اگر کہانی اور کردار میں اختلاف نظر آئے تو پھر بات نہیں بنتی میں نے اب تک اپنی تمام فلموں میں جتنا بھی کام کیا وہ کہانی کی ڈیمانڈتھی اور اس حوالے سے مجھ پر تنقید بلا جواز ہے ۔اداکارہ کا مزید کہنا تھا کہ میں صرف فلمیں کرنا چاہتی ہوں اور اسی لیے بالی ووڈ میں قدم رکھا ہے اس کے باوجود ابھی تک بالی ووڈ میں میری پہچان درست طریقے سے نہیں بن سکی ۔ میں خود کو منوانے کے لیے بڑے ہدایتکاروں کی فلموں میں بھی کام کرنا چاہتی ہوں اگر مجھے ان کے ساتھ بھی کام کرنے کا موقع مل جائے تو یہ بھی میرے لیے اچھا ہوگا۔