شلپا شیٹھی اورراج کندرا کے درمیان علیحدگی ہوگئی مداح تجسس کا شکار

شلپا شیٹی اور راج کندرا کی علیحدگی کی خبریں گردش کرنے لگیں: فوٹو ویب ڈیسک

---

بالی ووڈ کی دراز قد اور خوبرو اداکارہ شلپا شیٹھی کے شوہر راج کندرا نے سوشل میڈیا پر علیحدگی سے متعلق بیان جاری کرکے مداحوں کو پریشان کردیا۔

راج کندرا نے سماجی رابطے کی ویب سائٹ ایکس (سابق ٹوئٹر) پر لکھا کہ 'ہم نے علیحدگی اختیار کر لی ہے اور آپ سے گزارش ہے کہ اس مشکل وقت میں ہمیں اکیلا رہنے دیں'۔

We have separated and kindly request you to give us time during this difficult period 🙏💔

— Raj Kundra (@onlyrajkundra) October 19, 2023

اس بیان میں راج کندرا نے ہاتھ جوڑنے اور دل ٹوٹنے والے ایموجی کا بھی اضافہ کیا جس کے بعد اس جوڑی کے مداح پریشان ہوگئے۔

بھارتی صحافی نے راج کندرا سے سوال کیا کہ 'علیحدگی کا مطلب طلاق ہوگئی؟"

Separat means? Divorces?

— Satya Prakash (@Are_Sambha) October 19, 2023

ایک صارف نے کہا کہ 'اگر آپ دونوں کی طلاق ہوگئی ہے تو یہ شلپا شیٹھی کے لیے بہت اچھا فیصلہ ہے'۔

If true, good for your wife...

— Rajashekar Siddapur (@RajSidd76) October 20, 2023

ایک اور صارف نے کہا کہ 'ہمیں پہلے دن سے ہی اس بات کا علم تھا'، جبکہ ایک صارف کا کہنا تھا کہ 'یہ چونکا دینے والی خبر ہے'.

We knew it from day 1.

— K. A. Prasanna (@firstchoiceipo) October 20, 2023

https://twitter.com/warriorking1908/status/1715107810189377824

راج کندرا کے بیان پر کئی مداحوں نے یہ بھی کہا کہ یہ صرف شہرت حاصل کرنے کے لیے اس طرح کے بیان جاری کررہے ہیں۔

تاہم، مداحوں کے سوالات پر ابھی تک راج کندرا اور شلپا شیٹھی کی جانب سے کوئی ردعمل سامنے نہیں آیا ہے۔

مزید پڑھیں: فحش فلمیں بنانے کے الزام میں شلپا شیٹھی کے شوہر راج کندرا گرفتار

واضح رہے کہ حال ہی میں راج کندرا کی ڈیبیو فلم "یوٹی 69" کا ٹریلر ریلیز ہوا ہے، اس فلم کی کہانی راج کندرا کے جیل میں گزارے گئے وقت پر مبنی ہے۔

شلپا شیٹھی کے شوہر راج کندرا نے فحش فلمیں بنانے کے کیس میں سال 2021 میں جیل میں دو ماہ گزارے تھے، جیل سے رہائی کے بعد اُنہوں نے اس پر فلم بنانے کا فیصلہ کیا تھا۔