پرویز الٰہی کے سابق پرنسپل سیکرٹری محمد خان بھٹی جسمانی ریمانڈ پر اینٹی کرپشن کے حوالے

سابق وزیراعلیٰ پنجاب پرویز الٰہی کے سابق پرنسپل سیکرٹری کیخلاف اینٹی کرپشن نے مقدمہ درج کررکھا ہے (فوٹو: فائل)

---

پرویز الٰہی کے سابق پرنسپل سیکرٹری محمد خان بھٹی کو جسمانی ریمانڈ پر اینٹی کرپشن کے حوالے کردیا گیا۔

سابق وزیراعلیٰ پنجاب چوہدری پرویز الٰہی کے سابق پرنسپل سیکرٹری محمد خان بھٹی کو پنجاب اسمبلی میں بھرتیوں کے مقدمے میں ضلع کچہری لاہور میں پیش کیا گیا، جہاں عدالت نے ان کا 2 دن کا جسمانی ریمانڈ منظور کرلیا۔

اینٹی کرپشن نے محمد خان بھٹی کو عدالت کے روبرو پیش کیا۔ دوران سماعت عدالت نے آئندہ سماعت پر تفتشی سے رپورٹ طلب کرلی ۔ اینٹی کرپشن نے ملزم محمد خان بھٹی کے جسمانی ریمانڈ کی استدعا کی۔ پراسیکیوشن نے کہا کہ محمد خان بھٹی سے تفتیش درکار ہے ، عدالت جسمانی ریمانڈ فراہم کرے ۔

واضح رہے کہ محمد خان بھٹی سمیت دیگر کے خلاف اینٹی کرپشن نے مقدمہ درج کررکھا ہے۔