خضدار مسافر بس سے 40لاکھ روپے مالیت کا اسمگل شدہ انڈین گٹکا چھالیہ برآمد
تلاشی کے دوران اسمگل شدہ انڈین گٹکا کے 280 تھیلے اور 2200کلو چھالیہ برآمد ہوئی
کسٹمز انٹیلی جنس گوادر نے انسداد اسمگلنگ مہم کے تحت کارروائی کرتے ہوئے خضدار میں مسافر بس سے 40 لاکھ روپے مالیت کا اسمگل شدہ انڈین گٹکا اور چھالیہ برآمد کرلی۔
ترجمان کسٹمز کے مطابق معلومات کی بنیاد پر ایف سی کے اشتراک سے خضدار میں مسافر بسوں کی جانچ پڑتال کی گئی جس مییں اسمگل شدہ انڈین گٹکا کے 280 تھیلے اور 2200کلو چھالیہ برآمد ہوئی۔
ڈائریکٹر کسٹمز انٹیلی جنس معین افضل کے مطابق اسمگل شدہ انڈین گٹکا اور چھالیہ کی مالیت4 ملین روپے ہے، مقدمہ درج کرکے انڈین گٹکا کے 14لاکھ پاؤچز اور چھالیہ ضبط کرلیے گئے۔