سونے کی عالمی اور مقامی قیمتوں میں اضافہ
فی تولہ سونے کی قیمت دو لاکھ 9 ہزار 600 روپے اور دس گرام قیمت ایک لاکھ 79 ہزار 698 روپے کی سطح پر آگئی
سونے کی عالمی اور مقامی قیمت میں ایک بار پھر اضافہ ہوگیا۔
ایکسپریس نیوز کے مطابق بین الاقوامی بلین مارکیٹ میں فی اونس سونے کی قیمت 9 ڈالر بڑھ کر 2001 ڈالر کی سطح پر آگئی جس کے سبب ملکی سطح پر بھی سونے کے نرخ بڑھ گئے۔
مارکیٹ رپورٹس کے مطابق ملکی سطح پر فی تولہ سونے کی قیمت 1250 روپے بڑھ کر دو لاکھ 9 ہزار 600 روپے اور دس گرام قیمت 1072 روپے بڑھ کر ایک لاکھ 79 ہزار 698 روپے کی سطح پر آگئی۔