راولپنڈی نوجوان طالب علم کو قتل کرنے والا اشتہاری ملزم گرفتار
مقدمہ میں تین اشتہاری مجرمان عبد الرحمان کیانی، وجیہہ الحسن عرف وجی، رمضان عرف پٹھان پہلے ہی گرفتار کیے جا چکے ہیں
فائرنگ کر کے نوجوان طالب علم کو قتل اور اس کے بھائی کو شدید زخمی کرنے والے انتہائی مطلوب اشتہاری عمر ستی عرف کمانڈو کو صادق آباد پولیس نے گرفتار کر لیا۔
پولیس کے مطابق ملزمان عمر ستی عرف کمانڈو اور اسکے ساتھیوں نے فائرنگ کر کے احمد زمام کو قتل اور عمار الطاف ستی کو زخمی کر دیا تھا۔ مقدمہ میں تین اشتہاری مجرمان عبد الرحمان کیانی، وجیہہ الحسن عرف وجی، رمضان عرف پٹھان پہلے ہی گرفتار کیے جا چکے ہیں۔
واقعے کا مقدمہ تھانہ صادق آباد میں درج تھا، اشتہاری مجرم کی گرفتاری کے لیے سی پی او سید خالد ہمدانی کی خصوصی ہدایات پر ٹیم تشکیل دی گئی تھی۔
ایس پی راول فیصل سلیم کے مطابق گرفتار ملزمان کو ٹھوس شواہد کے ساتھ چالان کر کے قرار واقعی سزا دلوائی جائے گی، سنگین مقدمہ میں ملوث چاروں ملزمان کی گرفتاری پر پولیس ٹیم شاباش کی مستحق ہے۔