آسٹریلوی کرکٹرز نے نیدرلینڈز کیخلاف میچ میں سیاہ پٹیاں کیوں باندھیں
فوٹو: گیٹی امیجز
دہلی کے ارون جیٹلی اسٹیڈیم میں کھیلے گئے میچ میں آسٹریلیا نے نیدرلینڈز کو 309 رنز سے شکست دیکر ورلڈ کپ کی تاریخ میں اتک سب سے بڑے مارجن سے جیتنے کا ریکارڈ بنایا تاہم میچ کا ایک اور پہلو آسٹریلیا کے کھلاڑیوں کا بازوؤں پر سیاہ پٹیاں باندھنا تھا۔
مزید پڑھیں: نیدرلینڈز کے بولر نے ورلڈ کپ میں بدترین بولنگ کا ریکارڈ اپنے نام کرلیا
اس حوالے سے آسٹریلوی کرکٹ نے بیان میں کہا ہے کہ گزشتہ دنوں سابق آسٹریلوی اسپنر فواد احمد کے بیٹے کے انتقال پر ان سے اظہار ہمدردی کیلئے آسٹریلوی اسکواڈ نے بازو پر سیاہ پٹیاں باندھ رکھی ہیں۔
بیان میں مزید کہا گیا کہ آسٹریلوی کرکٹ کمیونٹی کی ہمدردیاں اس مشکل وقت میں فواد احمد اور ان کے اہل خانہ کے ساتھ ہیں۔
The thoughts of the Australian Cricket community are with former Australian spinner Fawad Ahmed after the passing of his young son.
Our condolences are with Fawad, his family and friends in this terribly difficult time ❤️
آسٹریلوی کرکٹر فواد احمد اور ان کی اہلیہ نے رواں سال جون میں اپنے دوسرے بچے کا استقبال کیا تھا جسے صحت کے کئی مسائل کا سامنا تھا، میلبورن کے اسپتال میں اسکا علاج جاری تھا تاہم 23 اکتوبر کو کرکٹر نے اپنے بیٹے کی موت کی خبر کا اعلان کردیا۔
انااللہ وانا الیہ راجعو ن
Till we meet again my little angel ,
Unfortunately after a long struggle my little man has lost the painful & tough fight, I believe you are in a better place,we will miss you so much,
I hope no one ever goes through this pain,
اس وقت فواد احمد وکٹوریہ میں کلب کرکٹ کھیل رہے ہیں حال ہی میں انہوں نے بگ بیش لیگ میں میلبورن رینیگیڈز کے لیے کھیلا تھا۔ وہ 2013 میں آسٹریلیا کے لیے پانچ ون ڈے اور دو ٹی ٹوئنٹی انٹرنیشنل میچز کھیل چکے ہیں۔