ڈی آئی خان میں دو دہشت گرد پولیس مقابلے میں ہلاک

پولیس اور دہشت گردوں کے درمیان مقابلے میں جوابی فائرنگ سے دو دہشت گرد ہلاک ہوگئے۔


ایکسپریس نیوز کے مطابق تھانہ پروا کی حدود میں سی ٹی ڈی اور پولیس کے درمیان مقابلہ ہوا۔ پولیس کے مطابق دہشت گردوں نے پہلے فائرنگ کی جس پر پولیس کی جوابی کارروائی میں دو دہشت گرد ہلاک ہوگئے۔

پولیس کے مطابق ہلاک دہشت گردوں کی شناخت شعیب اور نعمان کے ناموں سے ہوئی، مارے گئے دونوں دہشت گرد فرقہ وارانہ کشیدگی پھیلانے اور کئی مقدمات میں پولیس کو مطلوب تھے، حکومت کی جانب سے ان پر انعام بھی مقررکیا ہوا تھا۔