ٹریفک حادثات و واقعات میں خاتون سمیت3افراد ہلاک

سائٹ میں ٹریلر نے موٹر سائیکل کو روند ڈالا، نوجوان سہراب ہلاک، لڑکی زخمی، ڈرائیور فرار

---

ٹریفک حادثات اور دیگر واقعات میں خاتون سمیت3افراد ہلاک ہوگئے، تفصیلات کے مطابق سائٹ بی تھانے کی حدود نیو ٹرک اڈا گیٹ نمبر10ماری پور روڈ پر تیز رفتار ٹریلر نمبرLSA-1660 نے موٹر سائیکل کو ٹکر ماردی جس کے نتیجے میں موٹر سائیکل سوار 25سالہ سہراب عرف مہراب ولد محمد ایوب ٹریلر کے نیچے سر کچلنے سے موقع پر ہی ہلاک ہوگیا


جبکہ اس کے ہمراہ موٹر سائیکل پر سوار 18سالہ عارفہ دختر سلیم شدید زخمی ہوگئی، ٹریلر کا ڈرائیور موقع سے فرار ہونے میں کامیاب ہوگیا، سائٹ بی تھانے کے سب انسپکٹر سکندر نے بتایا کہ متوفی سہراب لیاری کے علاقے چاکیواڑہ جنگیان ہوٹل کے قریب کا رہائشی تھا، گلستان جوہر تھانے کی حدود حسین ہزارہ گوٹھ جمعہ گوٹھ بلاک11کچی آبادی میں رہائش پذیر32سالہ زرینہ زوجہ محمد علی نے گھریلو حالات سے دلبرداشتہ ہوکر چادر کا پھندا گلے میں ڈال کر خود کشی کرلی