فیض آباد دھرنے کے ذمہ داران کے تعین کیلیے فیکٹ فائنڈنگ کمیٹی قائم

فوٹو : اے پی

---

وفاقی حکومت نے فیض آباد دھرنے کے ذمہ داران کے تعین کے لیے فیکٹ فائنڈنگ کمیٹی قائم کر دی۔

اٹارنی جنرل نے عمل درآمد رپورٹ جمع کرا دی جس کے مطابق سپریم کورٹ کے فیض آباد دھرنا کیس کے 6 فروری 2019 کے فیصلے پر عملدرآمد کے لیے فیکٹ فائنڈنگ کمیٹی تشکیل دی گئی ہے۔

رپورٹ میں بتایا گیا ہے کہ فیکٹ فائنڈنگ کمیٹی میں ایڈشنل سیکریٹری داخلہ، ایڈشنل سیکریٹری دفاع اور ڈائریکٹر آئی ایس آئی شامل ہیں۔ فیکٹ فائنڈنگ کمیٹی طے شدہ ٹی او آرز کے تحت انکوائری کرے گی۔

مزید پڑھیں؛ فیض آباد دھرنا کیس: ٹی ایل پی ریاست مخالف سرگرمیوں میں ملوث نہیں، الیکشن کمیشن کی رپورٹ

اٹارنی جنرل کی رپورٹ کے مطابق کمیٹی کو ذمہ داران کے تعین کا ٹاسک دیا گیا ہے، کمیٹی تمام دستاویزات، ریکارڈ اور شواہد کا جائزہ لی گی۔ کمیٹی متعلقہ گواہان کے بیانات ریکارڈ کرے گی۔

فیکٹ فائنڈنگ کمیٹی متعلقہ قوانین کی روشنی میں معاملہ کا جائزہ لی گی جبکہ متعلقہ مینجمنٹ کے کردار اور ہدایات کا بھی جائزہ لی گی، کمیٹی اپنی تجاویز کے ساتھ رپورٹ پیش کرے گی۔