ورلڈکپ بابراعظم نے جنوبی افریقا سے شکست کی وجہ بتا دی
آئندہ تین میچز میں بہتر کھیل پیش کرنے کی کوشش کریں گے، کپتان قومی کرکٹ ٹیم
قومی کرکٹ ٹیم کے کپتان بابر اعظم نے جنوبی افریقا سے ہونے والے میچ میں فتح کے قریب پہنچنے کے بعد شکست کی وجہ بتا دی۔
میچ کے بعد میڈیا سے گفتگو کرتے ہوئے بابر اعظم نے کہا کہ ہم نے جیتنے کا اچھا موقع گنوا دیا جو کہ انتہائی مایوس کن اور قابل افسوس ہے کیونکہ ہم قریب پہنچنے کے باوجود بھی میچ میں فتح حاصل نہیں کرسکے۔
انہوں نے کہا کہ آج ہمارے بولرز نے زبردست مقابلہ کیا مگر افسوس کے قریب پہنچنے کے باوجود میچ ہمارے حق میں نہیں رہا، آئندہ تین میچز میں بہتر کھیل پیش کرنے کی کوشش کریں گے۔
مزید پڑھیں: پاکستان کو ڈی آر ایس کے خراب سسٹم کیوجہ سے شکست ہوئی، ہربھجن سنگھ
بابر اعظم نے شکست کی وجہ بیان کرتے ہوئے کہا کہ جہاں ہم نے موقع گنوایا وہیں جنوبی افریقا کے کھلاڑی تبریز شمسی نے کنڈیشن کا فائدہ اٹھایا اور اُسی حساب سے بولنگ کی۔
مزید پڑھیں: ورلڈکپ؛ جنوبی افریقا نے سنسی خیز مقابلے کے بعد پاکستان کو شکست دیدی
انہوں نے کاہ کہ اس سے قبل ہونے والے میچز میں ہدف کے تعاقب میں ٹیم پر دباؤ تھا، آج ہم نے پلان کے تحت ہی گیم کھیلا۔
واضح رہے کہ جنوبی افریقا نے پاکستان کو سنسنی خیز مقابلے کے بعد ایک وکٹ سے شکست دی ہے۔