اسرائیل فلسطین کشیدگی نادیہ جیمل پاکستان سمیت پوری اُمتِ مسلمہ پر برس پڑیں

اسرائیلی فورسز نے غزہ میں بھرپور طاقت کے ساتھ آپریشن اور وحشیانہ بمباری شروع کردی ہے

ویب ڈیسک October 28, 2023

نادیہ جمیل بھی فلسطین کی حمایت میں سامنے آگئیں: فوٹو ویب ڈیسک

پاکستان شوبز انڈسٹری کی معروف اداکارہ و سماجی کارکن نادیہ جمیل نے اسرائیل کی درندگی پر خاموش رہنے والے مسلم ممالک پر شدید غصے کا اظہار کیا ہے۔

بین الاقوامی نشریاتی اداروں کے مطابق اسرائیلی فورسز نے غزہ میں بھرپور طاقت کے ساتھ آپریشن اور وحشیانہ بمباری شروع کردی ہے، جس کی نتیجے میں غزہ کی پٹی میں مواصلاتی نظام مکمل تباہ ہوگیا ہے۔

الجزیزہ کے مطابق فلسطینی ٹیلی کمیونیکیشن کمپنی جوال نے بتایا کہ اسرائیلی بمباری سے آخری بچنے والی انٹرنیشنل کیبل بھی تباہ ہوگئی ہے، جس کی وجہ سے غزہ کا رابطہ دنیا سے کٹ گیا ہے۔

عرب میڈیا رپورٹ کے مطابق غزہ میں 100 سے زائد فضائی طیارے بمباری کررہے ہیں جبکہ ٹینکس اور توپوں کے ذریعے بھی بمباری کی جارہی ہے، جس کی وجہ سے ہر طرف تباہی اور آگ لگی نظر آرہی ہے۔

مزید پڑھیں: ان کی فلموں کا بائیکاٹ کرو؛ کنگنا رناوت اسرائیل کی حمایت کرنے پر تنقید کا شکار

یہ اسرائیل کا غزہ پر اب تک کا سب سے بڑا حملہ ہے، سوشل میڈیا پر مشہور شخصیات اور فنکار برادری کی جانب سے اسرائیل کے خلاف آواز بُلند کی جارہی ہے اور فوری جنگ بندی کا مطالبہ کیا جارہا ہے۔

ایسے میں معروف اداکارہ نادیہ جمیل نے سماجی رابطے کی ویب سائٹ ایکس پر ترکیہ کے ایک ٹیلی ویژن پروگرام کا ایک ویڈیو کلپ پوسٹ کیا جس میں ایک فلسطینی کا پیغام پڑھ کر سنایا جارہا تھا۔

Shame on every Muslim nation that watched this silently. Including Pakistan. Shame. I am so ashamed. https://t.co/NDD3LurjFl
— Nadia Jamil (@NJLahori) October 27, 2023

فلسطینی نے اپنے پیغام میں کہا تھا کہ "مسلم ممالک سے کہو کہ وہ ہماری نماز جنازہ نہ پڑھیں، ہم زندہ ہیں اور تم مر چکے ہیں"۔

اس پیغام پر ردعمل دیتے ہوئے نادیہ جمیل دُنیا کے تمام مسلم ممالک پر پھٹ پڑیں، جو اس وقت اسرائیل کی دہشتگردی پر خاموشی اختیار کیے بیٹھے ہیں۔

مزید پڑھیں: امریکی ماڈل بیلا حدید نے فلسطین کیلئے خاموش رہنے پر معافی مانگ لی

نادیہ جمیل نے کہا کہ "پاکستان سمیت ہر مسلم ملک کو شرم آنی چاہیے جو خاموشی سے اسرائیل کے ہاتھوں فلسطین کی نسل کشی دیکھ دیکھ رہے ہیں"۔

اُنہوں نے اپنی بےبسی کا اظہار کرتے ہوئے کہا کہ "میں بہت شرمندہ ہوں"۔

دوسری جانب اقوام متحدہ کی جنرل اسمبلی نے بھاری اکثریت سے غزہ میں فوری طور پر انسانی بنیادوں پر جنگ بندی کی قرارداد منظور کرلی ہے۔

مزید پڑھیں: اُشنا شاہ نے یہودیوں کی منافقت اور جہالت بے نقاب کردی

عالمی میڈیا رپورٹس کے مطابق اقوام متحدہ نے غزہ میں جنگ بندی کی قرارداد منظور کرتے ہوئے محصور غزہ تک امدادی رسائی اور اس کے شہریوں کے تحفظ کا مطالبہ بھی کیا ہے۔