پاک افغان سرحد پر پاسپورٹ ویزا شرط دونوں ممالک کے تاجر پریشان

پاسپورٹ کی شرط سے ان کی مشکلات بڑھیں گی، تاجر

Monitoring Desk October 28, 2023

پاسپورٹ کی شرط سے ان کی مشکلات بڑھیں گی، تاجر (فوٹو فائل)

افغانستان اور پاکستان کے درمیان آمد ورفت کے لیے پرمٹ کے بجائے پاسپورٹ اور ویزا استعمال کرنے کی شرط پر دونوں ملکوں کے تاجر پریشان ہیں۔

ایک امریکی نشریاتی ادارے کی رپورٹ کے مطابق حکومت کے اس فیصلے سے سب سے زیادہ نقصان چمن کے ان چھوٹے تاجروں کو ہوا جو دونوں ملکوں کے درمیان روزانہ کی بنیاد پر کاروبار کرتے ہیں۔ ایسے تاجروں کی تعداد ہزاروں میں ہے۔

یہ بھی پڑھیں: جعلسازی کے ذریعے پاکستانی شناختی کارڈ حاصل کرنے والے افغانی گرفتار

دوسری جانب حکومت پاکستان کا موقف ہے کہ سرحد پر پاسپورٹ اور کمپیوٹرائزڈ دستاویزات کے ذریعے آمدورفت کی اجازت دینے کا مقصد غیر قانونی آمد ورفت کو محدود کرناہے۔

صدر مرکزی انجمن تاجران چمن صادق اچکزئی کا کہنا ہے کہ بارڈر کے آر پار راہداری اور شناختی کارڈ لازمی ہے، یہ ان کا ویزہ بھی ہے اور پاسپورٹ بھی۔