وکیل بیٹے کا 73 سالہ والدہ پر بدترین تشدد ویڈیو وائرل

—فوٹو:ٹوئٹر

---

بھارتی ریاست پنجاب میں بیٹے اور اس کی بیوی کی جانب سے 73 سالہ والدہ پر تشدد کی ویڈیو وائرل ہوگئی۔

واقعہ پنجاب کے گیانی زیل سنگھ نگر میں پیش آیا۔ ویڈیو میں متاثرہ خاتون کا وکیل بیٹا انکور ورما، اس کی بیوی سودھا بوڑھی عورت کو بے رحمی سے پیٹ رہے ہیں۔ مذکورہ معاملہ اس وقت منظر عام پر آیا جب متاثرہ خاتون کی بیٹی نے ویڈیو بطور ثبوت پولیس کے حوالے کی اور ملزمان کے خلاف شکایت درج کروائی۔

پولیس نے ایڈووکیٹ ورما کو آئی پی سی کی دفعہ 327، 342، 323 اور مینٹیننس اینڈ ویلفیئر آف پیرنٹس اینڈ سینئر سٹیزنز ایکٹ کی دفعہ 24 کے تحت مقدمہ درج کرتے ہوئے گرفتار کرلیا۔

https://twitter.com/Gagan4344/status/1718199603684839758

علاوہ ازیں متاثرہ خاتون کو مقامی سول اسپتال لے جایا گیا جہاں ڈاکٹروں کو ان کے جسم پر زخموں کے نشانات کی تصدیق کی۔ متاثرہ خاتون کی بیٹی نے بتایا کہ انہیں معلوم ہوا کہ اس کی والدہ کو اس کیا بھائی اور اس کے سسرالی تشدد کا نشانہ بنا رہے ہیں جس کے بعد وہ گھر گئی اور وہاں نصب سی سی ٹی وی کیمروں تک رسائی حاصل کرنے میں کامیاب ہو گئی۔