حماس کا اسرائیل کی جوہری تنصیبات کے علاقے پر راکٹ داغنے کا دعوی

اسرائیلی میڈیا نے واقعے کی تصدیق کردی تاہم جانی نقصان کی کوئی اطلاع نہیں

ویب ڈیسک October 29, 2023

اسرائیلی میڈیا نے واقعے کی تصدیق کردی تاہم جانی نقصان کی کوئی اطلاع نہیں (فوٹو: فائل)

فلسطین کی مزاحمتی تنظیم حماس کے القسام بریگیڈ نے اسرائیل کی خفیہ جوہری تنصیبات کے علاقے پر راکٹ داغنے کا دعوی کیا ہے۔

اسرائیلی میڈیا نے تصدیق کی ہے کہ فلسطین کی مزاحمتی تنظیم حماس نے دیمونا میں راکٹ داغے ہیں تاہم کوئی جانی نقصان نہیں ہوا۔ راکٹ حملے کے بعد ایریز اور نیتیو ہاسارا میں سائرن بجادیئے گئے ہیں۔

سماجی رابطے کی سائٹ ٹوئٹر (ایکس) پر عبرانی ذرائع سے حاصل ہونے والی ویڈیو وائرل ہورہی ہے جس میں دیکھا جاسکتا ہے کہ پہاڑوں کے درمیان واقعے جوہری تنصیبات کے قریب دھوا اٹھتا دیکھائی دے رہا ہے۔

مزید پڑھیں: اسرائیل کی غزہ پر وحشیانہ بمباری، مجموعی شہادتیں 7700 سے متجاوز ، دنیا سے رابطہ منقطع

واضح رہے کہ دیمونا شہر میں اسرائیل کی خفیہ جوہری تنصیبات ہیں، واقعہ کو غیرمعمولی قرار دیا جارہا ہے۔

مزید پڑھیں: اسرائیلی وزیراعظم کا غزہ میں 'قتل عام' کا دوسرا مرحلہ شروع کرنے کا اعلان

دوسری جانب اسرائیل کی غزہ سمیت فلسطینی علاقوں میں شدید بمباری سے مزید سیکڑوں شہید ہوگئے ہیں، ایلون مسک نے غزہ میں سیٹلائٹ کے ذریعے انٹرنیٹ سروس فراہم کردی ہے جس کے بعد غزہ سے دنیا کا رابطہ بحال ہونا شروع ہوگیا ہے۔

غزہ میں اسرائیل کی بمباری سے شہید فلسطینیوں کی تعداد 8 ہزار سے تجاوز کرچکی ہے جس میں 4000 سے زائد بچے بھی شامل ہیں۔

#دیمونا پر #حماس #كتائب_القسام کی جانب سےہفتہ کی شام راکٹ حملہ کی عبرانی ذرائع سے حاصل ہونےوالی وڈیو۔ دیمونا میں اسرائیلی خفیہ جوہری تنصیبات ہیں۔ #عرب ممالک کی جوہری تنصیبات پر حملہ کرنےوالے ملک کی اپنی تنصیبات محفوظ نہیں رہیں۔ #مقاومة فلسطین کی جانب سے پیغام واضع ہے۔ #غزة_تنتصر https://t.co/Jy0mjTJ9W3 pic.twitter.com/FTAgJvFqTn
— Tariq Abul Hassan (@tariqabulhassan) October 29, 2023