داغستان ہزاروں افراد کا احتجاج اسرائیل سے آنے والے طیارے پر دھاوا بول دیا

مظاہرین نے اسرائیلی شہریوں کی تلاش میں مسافروں کے پاسپورٹ اور فون چیک کیے

ویب ڈیسک October 30, 2023

پولیس نے متعدد مظاہرین کو گرفتار کرلیا:فوٹو:سوشل میڈیا

داغستان میں ہزاروں افراد نے غزہ میں اسرائیلی مظالم کیخلاف احتجاج کرتے ہوئے ائیرپورٹ پر دھاوا بول دیا۔

غیرملکی میڈیا کے مطابق داغستان میں ہزاروں مظاہرین سیکورٹی رکاوٹیں توڑتے ہوئے دارالحکومت ماکاچ کلا ائیرپورٹ میں داخل ہوگئے اور اسرائیل سے آنے والےروسی طیارے پر دھاوا بول دیا۔ مظاہرین نے فلسطینی پرچم لہرائے اور اسرائیل کے خلاف نعرے بازی کی۔

تل ابیب سے پرواز کی آمد
داغستان میں ہزاروں افراد نے احتجاج کرتے ہوئے ائر پورٹ پر دھاوا بول دیا ۔
پرواز سے اترنے والے اسرائیلیوں کو تلاش کرنے لگے
لوگوں نے ایئرپورٹ کے سیکیورٹی بیریئرز توڑتے ہوئے جہاز کا گھیراؤ کر لیا
لوگوں نے فلسطینی پرچم لہرائے اور اسرائیل کے خلاف... pic.twitter.com/CsnbEYVnO1

- ترکیہ اردو (@TurkiyeUrdu_) October 29, 2023

مظاہرین نے تل ابیب سے آنے والی پرواز میں اسرائیلی شہریوں کی تلاش میں مسافروں کے پاسپورٹ اور فون چیک کیے اوریہودی ہونے کے شبے میں ایک مسافر کو گھیر لیا۔ پولیس حکام نے کارروائی کرتے ہوئے متعدد مظاہرین کو گرفتار کرلیا۔