پروٹین ڈائٹ سے انکار پاکستانی کرکٹرز نے مشہور ہوٹل سے بریانی منگوالی
قومی ٹیم نے فوڈ ایپ کے ذریعہ کولکتہ کے مشہور ہوٹل سے کھانے منگوائے، بھارتی میڈیا
فوٹو: ایکسپریس ویب
پاکستانی کرکٹرز نے فائیو اسٹار ہوٹل کی پروٹین ڈائٹ مسترد کرتے ہوئے مشہور ہوٹل سے بریانی آرڈر کردی۔
قومی ٹیم ہفتہ کو کولکتہ پہنچی تھی جہاں پاکستان کا اگلا میچ کل ایڈن گارڈنز میں بنگلا دیش سے ہے لیکن اپنے اہم میچ سے قبل اطلاعات ہیں کہ ٹیم نے فائیو اسٹار ہوٹل کی پروٹین ڈائٹ کے بجائے بریانی اور دیگر کھانوں کو ترجیح دی ہے۔
مزید پڑھیں: ورلڈکپ کیپٹنز ڈے؛ بریانی سے متعلق میزبان کے سوال پر بابراعظم کا دلچسپ جواب
بھارتی ویب سائٹ اسپورٹس تک نے دعویٰ کیا ہے کہ پاکستان کرکٹ ٹیم نے فائیو اسٹار ہوٹل کا صحت بخش کھانا مسترد کرتے ہوئے فوڈ ایپ کے ذریعے کولکتہ کے ایک مشہور ہوٹل سے بریانی، چانپ، فرنی، کباب اور شاہی ٹکڑے منگوائے۔
پاکستانی کرکٹرز نے اب تک پورے ٹورنامنٹ میں بریانی کا مزہ لیا ہے اور گزشتہ روز بھی ٹیم نے فائیو اسٹار ہوٹل میں رات کا پروٹین سے بھرپور کھانا کھانے سے انکار کردیا تھا، فائیو اسٹار کے مینیو میں ٹیم کیلئے اٹالین کباب، انڈے وغیرہ رکھے گئے تھے۔
مزید پڑھیں: 'ہمارے گورے بھی بھارتی کھانوں کے دیوانے ہوگئے'
واضح رہے کہ قومی ٹیم جس فائیو اسٹار ہوٹل میں قیام پذیر ہے وہاں سکیورٹی انتہائی سخت ہے اور پاکستان ٹیم کیلئے مختص فلور پر صرف خصوصی سروس کو ہی جانے کی اجازت ہے۔
خیال رہے کہ پاکستان کرکٹ ٹیم کی ورلڈ کپ میں کارکردگی انتہائی خراب ہے اور مسلسل 4 میچز میں شکست کے بعد سیمی فائنل میں رسائی تقریباً ناممکن بن چکی ہے۔ پوائنٹس ٹیبل پر پاکستان چھٹے نمبر پر ہے۔
قومی ٹیم ہفتہ کو کولکتہ پہنچی تھی جہاں پاکستان کا اگلا میچ کل ایڈن گارڈنز میں بنگلا دیش سے ہے لیکن اپنے اہم میچ سے قبل اطلاعات ہیں کہ ٹیم نے فائیو اسٹار ہوٹل کی پروٹین ڈائٹ کے بجائے بریانی اور دیگر کھانوں کو ترجیح دی ہے۔
مزید پڑھیں: ورلڈکپ کیپٹنز ڈے؛ بریانی سے متعلق میزبان کے سوال پر بابراعظم کا دلچسپ جواب
بھارتی ویب سائٹ اسپورٹس تک نے دعویٰ کیا ہے کہ پاکستان کرکٹ ٹیم نے فائیو اسٹار ہوٹل کا صحت بخش کھانا مسترد کرتے ہوئے فوڈ ایپ کے ذریعے کولکتہ کے ایک مشہور ہوٹل سے بریانی، چانپ، فرنی، کباب اور شاہی ٹکڑے منگوائے۔
پاکستانی کرکٹرز نے اب تک پورے ٹورنامنٹ میں بریانی کا مزہ لیا ہے اور گزشتہ روز بھی ٹیم نے فائیو اسٹار ہوٹل میں رات کا پروٹین سے بھرپور کھانا کھانے سے انکار کردیا تھا، فائیو اسٹار کے مینیو میں ٹیم کیلئے اٹالین کباب، انڈے وغیرہ رکھے گئے تھے۔
مزید پڑھیں: 'ہمارے گورے بھی بھارتی کھانوں کے دیوانے ہوگئے'
واضح رہے کہ قومی ٹیم جس فائیو اسٹار ہوٹل میں قیام پذیر ہے وہاں سکیورٹی انتہائی سخت ہے اور پاکستان ٹیم کیلئے مختص فلور پر صرف خصوصی سروس کو ہی جانے کی اجازت ہے۔
خیال رہے کہ پاکستان کرکٹ ٹیم کی ورلڈ کپ میں کارکردگی انتہائی خراب ہے اور مسلسل 4 میچز میں شکست کے بعد سیمی فائنل میں رسائی تقریباً ناممکن بن چکی ہے۔ پوائنٹس ٹیبل پر پاکستان چھٹے نمبر پر ہے۔