پاکستان کے بعد سری لنکا کی افغانیوں سے شکست عرفان پٹھان کے ڈانس کی ویڈیو وائرل

آئی لینڈرز کی ہار پر عرفان پٹھان اور ہربھجن سنگھ نے اسٹوڈیو ڈانس کیا

ویب ڈیسک October 31, 2023

آئی لینڈرز کی ہار پر عرفان پٹھان اور ہربھجن سنگھ نے اسٹوڈیو ڈانس کیا (فوٹو: اسکرین شارٹ)

آئی سی سی ورلڈکپ میں سری لنکا کے خلاف افغان ٹیم کی جیت پر ایک مرتبہ پھر سابق بھارتی کرکٹر عرفان پٹھان کے بھنگڑے ڈالنے کی ویڈیو وائرل ہوگئی۔

پونے میں کھیلے گئے میچ میں افغانستان نے سری لنکا کو شکست دیکر ایونٹ کے سیمی فائنل میں رسائی کے امکانات کو روشن رکھا تو سابق بھارتی کرکٹر عرفان پٹھان اور ہربھجن سنگھ نے اسٹوڈیو میں جشن منانا شروع کردیا، جس کی ویڈیو سوشل میڈیا پر تیزی سے وائرل ہورہی ہے۔

مزید پڑھیں: افغانستان سے شکست؛ عرفان پٹھان کے بھنگڑے پر کامران اکمل بھی ناراض

قبل ازیں عرفان پٹھان سمیت دیگر بھارتی افغانستان کے ہاتھوں پاکستان کی شکست پر خوشی سے نہال نظر آئے تھے جبکہ انہوں نے اسٹیڈیم کے اندر افغان کھلاڑیوں کے ساتھ ملکر بھنگڑے بھی ڈالے تھے، جس پر انہیں پاکستانی فینز کی جانب سے تنقید کا نشانہ بنایا گیا تھا۔

مزید پڑھیں: بیگانی شادی میں عبداللہ دیوانہ! عرفان پٹھان کے پاکستان کی ہار پر بھنگڑے

عرفان پٹھان ورلڈ کپ میں آئی سی سی براڈ کاسٹر کے طور پر کام کر رہے ہیں۔

واضح رہے کہ سابق بھارتی کرکٹرز کے ڈانس کی ویڈیو افغان کرکٹر مجیب الرحمان نے اپنے ٹوئٹر (ایکس) پر شیئر بھی کی۔